Авылдашым Фәнил турында истәлекләрем. Бәхетле бала чак һәм кыңгыраулы мәктәп еллары бар кешеләрнеңдә хәтерләрендә мәңгелеккә кала шикелле. 1964-че елның җәй айларында Баишевлар гаиләсе Башкортостанның Балакатай районындагы бәләкәй генә безнең Сандалаш авылына күченеп килделәр.Нафик абый белән Зөлхизә апа авылдыбызның башлангыч мәктәбендә эшләсәләр, ә балалары Лена белән Фәнил безнең белән бергә укыдылар. Укыучы балалар аз булганлыктан1-4 класс балалары бер бүлмәдә укый идек. Кыска гына вакыт эчендә Баишевлар гаиләсе Сандалаш авыл халкына нык окшадылар һәм авылдашларыбызның хөрмәтенә лаеык булдылар. Хаттә минем әти белән әни элеке башкорт йолаларына таянып Нафик абый белән Зөлхизә апаны үзләренең "борондок кызы һәм улы" итеп таныдылар (иглан иттеләр). Чынлапта Зөлхизә апа белән Нафик абый минем әти-әниләрне "инәй" һәм "әтей" - дип йөреттеләр. Безнең авылыбызның кешеләре тырыш һәм уңганнар,ә табигәте бай һәм матур. Хәтеремдә Фәнил белән авыл кырында аккан салкын Ыкта (Ик) Башкортостан елгаларында бик сирәк очрый торган бәрде балыклары тоткан чаклар. Бәрде балыгын кармакка тотар өчен бик зур тәҗрибә таләп ителә,шулай булсада Фәнил бу һөнәргә бик тиз өйрәнде.Шулай ук Фәнил беләнбергә авылыбыз кырындагы тау итәкләрендә төрле җиләкләр,кара урманнарында балтырган,юуа һәм пикәннәр җыйган чаклар. Балачак-ул бар җирдә дә күп яклары белән бер-берсенә бик охшаган һәм бер төрлерәк үтә диләр. Шулай булсада әдәм баласына авыл традициялары,мәктәп тәрбиясе һәм хаттә авылның табигәте дә үзенчә эз калдыра шикелле.Без авылдашлар безгә генә хас булган бик күп якшы һәм файдалы әйберләрне үзебезгә сеңдереп үстек. Ничектер безнең авыл малайлары бер-беребез белән сугышып-кырышып үсмәдек. Киресенчә гел бер-беребезгә терәк булдык. Авылдашлар арасында урлашу һәм башка начарлыкларны мин хәтерләмим. Фәнил ул инде бөтенләй үзенчәлеклерәк булып үсте. Без аны үзенең тәрбиясе һәм белеме ягынан бездән бер башка югарырак сымак тойа идек.Фәнилне без "бөек теоретигыбыз" дип йөртә торган идек.Эштә дә, уйнаганда да гел аның фикерен тыңлап практикада кулланырга тырыштык . Безнең бар сарауларыбызгада һәр чак Фәнилнең гадел безнең өчен кирәкле явабы бар иде.Бездән күбрәк белсәдә ул безнең белән бер вакытта да бәхәсләшмәде, шул сыйфатлары өчен дә без аны ярата һәм хөрмәт итә идек.Уфада укыган чакларында Фәнил авылыбызга каникулларда гына кайтып йөреде. Армия сафларыннан кайткач мин Уфага барып ул укыган 1-че интернат мәктәбендә Фәнил кырында ике көн булып кайттым.Фәнилләрнең 10-чы класлары мәктәпне тамамлап "саубуллашу кичәсен" үткәрәләр иде. Класташлары белән аралашканда мин Фәнилнең дуслары арасында тәрбияле һәм зур хөрмәткә лаеклы икәннен белдем һәм авылдашым белән горурланып авылга кайттым.Тәрбияле булу ул минемчә бүтән кешеләргә карата ихтирамлы, игътибарлы, кешелекле, хәтер саклаучан, тыйнак булу дигән сү. Кызганычка каршы 1973 елдан соң безгә аның белән очрашырга насыйп булмады. Мине язмыш Свердлау якларына алып китте. Шулай булсада мин авылдашымның зур уңышларга ирешкәннәрен ишетеп шатлана торган идем. Кеше гомере – диңгездәге бер тамчы, мәңгелекнең бер мизгеле генә. Шушы кыска гына вакыт эчендә кеше зур-зур планнар кора. Барлык уйлаганын эшләп өлгерергә, җирдә үзенең эзен калдырырга, мәңгелек исем, мәңгелек яшәү алырга тели һәм гомере буе шуңа омтыла. Һәр кешенең яшисе дә, яшисе килә. Тик кызганычка каршы Фәнилнең гомере бик иртә өзелә.Бу кайгы хәбәрне бик соң ишеттем һәм аның белән хушлашырга кайта алмадым. Фәрид Нусратуллин. март 2015 ел. Сандалаш-Екатеринбург.

- 102 - 0

Fәrid 09.10.2016 05:46

Новости СМИ вашего родного края (с сайта ufa.aif.ru):

ДОБАВЬТЕ КОММЕНТАРИЙ от имени «Гостя» или Войдите на uistoka.ru

Поддержите наш проект! Вступайте в социальные группы "У истока"